“Бяцхан үрс” хүүхэд харах үйлчилгээний газрыг хаав

Иргэнээс гаргасан гомдлын дагуу нийслэлийн Баянгол дүүрэгт байрлалтай “Бяцхан үрс” хүүхэд харах үйлчилгээнд НМХЕГ-аас хяналт шалгалт хийжээ.

Шалгалтаар эрх бүхий газраас зөвшөөрөл авахгүйгээр, эрүүл ахуй, аюулгүй байдал, стандартын шаардлага хангахгүй нөхцөлд бага насны хүүхдүүдийг харж байсныг илрүүлсэн байна. Иймээс тус дүүргийн Прокурорын газрын 18 дугаартай тогтоолоор “Бяцхан үрс” хүүхэд харах үйлчилгээний үйл ажиллагааг зогсоож, зөрчлийн хэрэг үүсгэж зөрчил шалган шийдвэрлэх ажиллагааг явуулж байна.