Ч.Чамин-Эрдэнэтэй холбоотой хэргийг хаах саналтайгаар хяналтын прокурорт шилжүүлжээ

Өнгөрсөн оны аравдугаар сарын 25-нд Хан-Уул дүүргийн XV хорооны нутаг дэвсгэрт байрлах “Хурд” хорооллын “Кэй Эйч” апартментийн 11 давхраас 22 настай, загвар өмсөгч Ч.Чамин-Эрдэнэ унаж, нас барсан харамсалтай хэрэг гарсан. Хэрэг гарснаас хойш гурван сарын хугацаа өнгөрөөд байна. Хэргийг Хан-Уул дүүргийн цагдаагийн хэлтэст шалгаж, ЦЕГ-ын Мөрдөн байцаах алба, НЦГ-ын Мөрдөн шалгах газраас хяналт тавьж ажилласан. Хэрэгт холбоотой сэжиг, таамаг бүрийг нарийвчлан шалгахад талийгаачийн амь биед халдсан, амиа хорлоход нөлөөлсөн нөхцөл байдал тогтоогдоогүй тул цагдаагийн байгууллага хэргийг хаах саналаа хяналтын прокурорт шилжүүлсэн байна.