Автобус шатсан хэрэг дахиад гарчээ

Өнөө өглөө буюу 06.30 цагийн үед Орбит, Тахилт чиглэлд явдаг автобус зам дээр шатсан байна. Харин аз болоход үйлчилгээндээ гарахаар түр зогсолт хийж байсан учраас ямар ч зорчигч суугаагүй байсан гэнэ. Одоогийн байдлаар хэргийг цагдаагийн байгууллагаас шалгаж байгаа юм.

Дашрамд сануулахад, хэдхэн хоногийн өмнө Баянзүрх дүүргийн нутаг дэвсгэрт Цайз 16 захын хавьцаа Улаанхуаран-Мах маркет чиглэлийн автобус шатсан хэрэг гарсан билээ.

Уг автобус нь техникийн бүрэн бус байдлын улмаас түр зогсолт хийсэн байсан бөгөөд “Блюбус” ХХК-ийн эзэмшлийн автобус байжээ.