“Адууны түүх” Монгол ахуйд “амилна”

Улсын драмын эрдмийн театрын уран бүтээлчид мэдээлэл хийж, Оросын нэрт зохиолч Лев Толстойн “Холстомер” бүтээлээс сэдэвлэн бичсэн “Адууны түүх” хэмээх хоёр бүлэгт сонгодог жүжгийг үзэгчдийн хүртээл болгоход бэлэн болсноо зарлалаа. Жүжгийг энэ сарын 24-ний өдрөөс эхлэн тайзнаа тавих бөгөөд жүжгийг орчуулагч Н.Пүрэвдагва орчуулжээ. Тус театрын уран бүтээлчдийн мэдээлж буйгаар зохиолд  өөрчлөлт оруулаагүй гэв.  Харин жүжигт гарах гол дүрийн баатруудын нэрийг монгол болгож, үйл явдлыг монгол ахуй руугаа ойртуулъя гэсэн найруулагч Б.Баатарын саналаар тавигдах аж.

Зохиолч энэ бүтээлээ 29 жил бичсэн байдаг. 1975 онд тухайн үеийн ЗХУ гэж байхад энэ бүтээлийг анх тавьжээ. Тэр цагийн театрын өнгө төрхийг илэрхийлж байсан уран бүтээл аж.  Тэр дундаа адууны амьдралаар хүмүүний амьдралыг элэглэсэн нь бүх хүнд содон туссан гэдэг. Он цагийн дараа адуу, эзэн хоёр уулздаг. Гэтэл адуу эзнийг таних бөгөөд харин эзэн таньдаггүй. Өнгө, мөнгө хөөсөн хүн амьд байхдаа үхдэл болох нь элбэг гэсэн санааг хүмүүст ойлгуулахаар зорьжээ.

А.Уянга