Б.Гансүх Ази тивийн дээд амжилтыг шинэчлэв

Олон улсын пауэрлифтингийн холбооны насанд хүрэгчдийн ДАШТ энэ өдрүүдэд Чехийн Пилсен хотод болж байна. 

47 дахь удаагийн тэмцээнд манай улсаас найман тамирчин өрсөлдсөнөөс хэвтээ шахалтын 83 кг-ын жинд Б.Гансүх хүрэл медаль хүртлээ.  Тэрбээр цээжиндээ 242.5 кг-ыг шахсанаар Ази тивийн дээд амжилтыг таван кг-аар ахиулав. Энэ жинд түүнээс гадна 19 орны пауэрлифтингчид өрсөлджээ. Ийнхүү Монголын баг тамирчид тэмцээн эхлээд гурав хоноход хоёр хүрэл медаль хүртээд байна.