Хүмүүжигч нарт мэргэжил олгох сургалт зохион байгуулж байна

Туркийн хамтын ажиллагаа, зохицуулах агентлаг /ТИКА/ Монгол Улсын Засгийн газрын хэрэгжүүлэгч агентлаг Шүүхийн шийдвэр гүйцэтгэх ерөнхий газрын хамтын ажиллагааны хүрээнд хоригдлуудад мэргэжил олгох, ур чадварыг нь нэмэгдүүлэх зорилгоор энэ сарын 17-ноос ирэх сарын 30-ны хооронд 441 дүгээр анги дээр гагнуурын болон төмөр хийц үйлдвэрлэлийн чиглэлээр сургалт зохион байгуулж байна.

Сургалтын нээлтийн ажиллагаанд ТИКА-гийн Төв Ази, Кавказын орнуудыг хариуцсан газрын дарга доктор Али Өзгүн Өзтурк, ШШГЕГ-ын дэд дарга хурандаа Ж.Батсайхан, БНТУ-ын Элчин сайдын орлогч Жафэр Мэрт Өзмэрт, ТИКА-гийн Улаанбаатар дахь хөтөлбөр зохицуулагч Вэйсэл Чифтжи, 441 дүгээр ангийн дарга Ч.Нэргүй болон хэвлэл мэдээллийн төлөөлөгчид оролцлоо.

С.Уянга