“ДЦС-3” ТӨХК-д гарсан гал түймэрт 53 настай эрэгтэй өртөж, нас баржээ

Хан-Уул дүүрэг 3-р хороо “ДЦС-3” ТӨХК-ийн Өндөр даралтын Турбин цех дотор гал гарч байна гэсэн дуудлага 2025 оны 06 дугаар сарын 02-ны өдрийн 00:27 цагт ирсэн.

Дуудлагын дагуу нийслэлийн Онцгой байдлын газрын Гал түймэр унтраах, аврах 10, 14, 30, 18, 26, 63 дугаар ангийн алба хаагчид ажиллан 01:54 цагт гал түймрийн тархалтыг зогсоож, 03:21 цагт бүрэн унтрааж ажиллалаа.

Дашрамд дуулгахад, энэхүү гал түймэрт 53 настай эрэгтэй өртөж, нас барсан гэдгийг цагдаагийн байгууллагаас мэдээллээ. Хэрэг бүртгэл нээж, хэргийг шалгаж байгаа аж.