Монгол Улсын гавьяат нисгэгч Р.Бат-Эрдэнэ Хөдөлмөрийн баатар цол хүртлээ

Монгол Улсын Ерөнхийлөгчийн зарлигаар МИАТ компанийн нисгэгч, Монгол Улсын гавьяат нисгэгч Р.Бат-Эрдэнэ Хөдөлмөрийн баатар цол хүртлээ.

Өнөө жил Монгол Улсад нисэх хүчний салбар үүсэн байгуулагдсаны 100 жил, МИАТ компани үүсэн байгуулагдсаны 69 жилийн ой тохиож буй. Энэхүү түүхэн ойтой зэрэгцэн МИАТ компани Монгол Улсын Хөдөлмөрийн баатар цолтонтой боллоо.

Одоогоос 18 жилийн өмнө буюу 2007 онд түүний багш Р.Батнасан Монгол Улсын Хөдөлмөрийн баатар цол хүртэж байсан юм. Ийнхүү багш шавь хоёул баатар цол хүртсэн тохиолдол болж байна.