“Шар гэгээ” олон улсын кино наадмаас шагнал хүртжээ

Төрийн шагналт, Соёлын гавьяат зүтгэлтэн Ш.Гүрбазарын зохиолоос сэдэвлэсэн найруулагч Б.Батдэлгэрийн  бүтээл “Шар гэгээ” Монголын уран сайхны кино Австралийн Перт хотноо зохион байгуулсан олон улсын кино наадмын “Шилдэг кино” шагнал хүртжээ.

Тус уран сайхны кино нь өнгөрсөн оны аравдугаар сард үзэгчдийн хүртээл болж, албан ёсны нээлтээ хийсэн юм. Ийнхүү “Шар гэгээ” уран сайхны кино олон улсын наадмаас тав дахь шагналаа хүртлээ.