Прокурорын байгууллагад шүүхэд шилжүүлэх саналтай 364 хэрэг шилжүүлжээ

Цагдаагийн байгууллагаас өнгөрсөн долоо хоногт 40.651 хэрэгт мөрдөн шалгах ажиллагаа явуулжээ. Улмаар прокурорын байгууллагад 364 хэргийг шүүхэд шилжүүлэх саналтай хүргүүлсэн байна. Тодруулбал, хүний амьд явах эрхийн эсрэг 8, хүний эрүүл мэндийн халдашгүй байдлын эсрэг 114, хүний бэлгийн эрх чөлөө, халдашгүй байдлын эсрэг 14, өмчлөх эрхийн эсрэг 147, олон нийтийн аюулгүй байдал, ашиг сонирхлын эсрэг 3, хүрээлэн байгаа орчны эсрэг 9, хөдөлгөөний аюулгүй байдал, тээврийн хэрэгслийн ашиглалтын журмын эсрэг 61, бусад 8 хэрэг байна.

Зөрчлийн шинжтэй 98.149 үйлдэлд зөрчил шалган шийдвэрлэх ажиллагаа явуулж, 98.242 зөрчлийг шийдвэрлэсэн байна. Нийт шийдвэрлэсэн зөрчлийн 97.248 зөрчлийг эрх бүхий албан тушаалтнаас буюу цагдаагийн алба хаагч шийдвэр гаргаж, 994 зөрчлийг шүүхээр шийдвэрлүүлсэн байна.