Сэрэмжлүүлэг: Байшин шатаж, гурван иргэн нас баржээ

Баянгол дүүргийн XI хороонд байшин шатаж байна гэсэн дуудлагыг өчигдөр 23:53 цагт онцгой байдлын байгууллагад ирүүлжээ.

Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид очиж, иргэн М-ын 6х10 метрийн хэмжээтэй байшингийн дотор эд зүйлс, дээврийн хэсгийн хамт шатаж байсныг ажиллаж унтраасан байна. Тус гал түймэрт иргэн М /45 настай, эрэгтэй/, М /41 настай, эмэгтэй/, Ц /33 настай, эрэгтэй/ нар өртөж нас барсан байсныг цогцсыг гарган Баянгол дүүргийн Цагдаагийн I хэлтсийн мөрдөгчид шилжүүлэн өгчээ.