ЗТХЯ: Орон нутгийн нислэгийг Буянт-Ухаа руу шилжүүлнэ

Хуучин буюу Буянт-Ухаа нисэх буудлын зориулалтыг өөрчилж, газрыг нь дуудлагаар зарахгүйг Зам, Тээврийн Хөгжлийн Яамнаас/ЗТХЯ/ мэдээлэв.

Буянт-Ухаа нисэх буудлыг зөвхөн нисэх буудлын зориулалтаар нь ашиглахаар холбогдох байгууллагад чиглэл өгч, шаардлага тавьжээ.

Хөшигийн хөндий дэх нисэх буудлаас орон нутгийн нислэгийг Буянт-Ухаа руу шилжүүлэх асуудлаар концесс эзэмшигч нартай хэлэлцээ хийхээр ажиллаж байгаа аж.

Ингэснээр орон нутгийн нислэгээр үйлчлүүлж буй иргэдийн цаг зав, хөрөнгө мөнгө хэмнэгдэнэ гэж үзжээ.

НҮБ-ын хүмүүнлэгийн нислэгийн Зүүн Азийн ХАБ болгохоор зорьж, Буянт-Ухаа нисэх буудлын орчимд зөвхөн агаарын хөлгийн техникийн засвар үйлчилгээний зориулалтаар төсөл сонгон шалгаруулалтаар БХЯ, ХХЕГ, МИАТ, Хүннү Эйр, Sky Jet, Sky Charter Mongolia гэсэн газруудад улсын тусгай хэрэгцээний газрыг тодорхой нөхцөл зориулалтын дагуу ашиглуулах асуудал яригдаж байгаа гэв.