УИХ-ын гишүүн Т.Аюурсайхан: Ерөнхий сайд та бидэнтэй хамт байгаагийн үр дүнг гаргах ёстой гэж итгэдэг

-Л.Оюун-Эрдэнэ гэмт бүлэглэлүүдтэй зоригтой тэмцсэн учраас дайсан их хураасан. Тэр ямар ч албан тушаал авахгүй гэсэн үгэндээ хатуу байсан. Төрийн удирдлагад шударга хүн хэрэгтэй учраас бид түүнийг шахаж, ажил хариуцуулсан юм. Тэр нь зөв болж, олон чухал үр дүнг авчирсан. Оюу толгойн луйвар, Эрдэнэтийн 49, Жаст-Стандарт банк, Салхит, Хөтөлийн цемент шохой, Дарханы төмөрлөг, хууль шүүхийн мафи, улс төр-бизнесийн бүлэглэлтэй анхнаасаа ил тод тэмцсэн. Нүүрсний хулгайг анхлан зарлаж, таслан зогсоохоор зүтгэж байна. Маш олон хүний маш том эрх ашгийг тас цохьсон. Тэр анх хэлсэн ярьсандаа одоо ч байдаг. Харамсалтай нь хүнд цагт, хүнд ачаа үүрч байгаа түүний зүтгэл санасан зорьсон үр дүндээ зарим талаар хүрч чадахгүй байна. Өнөөдөр түүний өстөн дайснууд нь өндийн босч, залуучуудын зүй ёсны тэмцлийг ашиглахыг оролдож байна. Л.Оюун-Эрдэнэд алдаа дутагдал байж болно. Гэхдээ ийм шулуун шударга, дайчин, эх орноо гэсэн чин сэтгэлтэй, ил тод, шуналгүй, ашиг сонирхлын зөрчилгүй Ерөнхий сайд та бидэнтэй хамт байгаагийн үр дүнг гаргах ёстой гэж итгэдэг.

УИХ-ын гишүүн, Зам тээврийн хөгжлийн сайд С.Бямбацогт: Бүү эндүүр. Би тэр “Нүүрсний хулгайч” чинь биш

-Хэрвээ миний бие нүүрсний хулгайтай холбогдсон бол ямар ч хариуцлага хүлээхэд бэлэн гэдгээ мэдэгдчихье. Нүүрсний хулгайн асуудлыг энэ оны 06 дугаар сард, хамгийн анх сөхөж тавьсанаараа их олон хулгайчийн зэвүү дургүйг хүргэж байгаа бололтой.

Үхэхдээ үхэр буугаа тавина гэгчээр мөнгөний хүүхэлдэйнүүдээрээ зохион байгуулалттай гүтгэлэг тарааж, элдэв эвлүүлэг хийж алиатаж өгч байна.

Ингэж эрээгүй гүтгэж байгаа хэвлэл сайтууд, нүүрээ ил далд нуусан хударгагүй этгээдүүдийг бүгдийг нь хуулийн байгууллагад өгч шалгуулж нэр төрөө цэвэрлэх болно.

Энэ бүх гүтгэлэг нууцад байсан төмөр замын гэрээнүүдийг ил болгосны, хийдэл булхай болгоныг нь илчлэх боломжийг олон нийтэд олгосны хариу дайралт биз. Ингэлээ гээд би мохохгүй.

Ингэх тусам харин ч НҮҮРСНИЙ ХУЛГАЙ-тай холбоотой асуудлуудыг улам сайн ухаж төнхөн, гэм буруутай этгээдүүдэд хуулийн гэсгээл цээрлэлийг нь үзүүлэхийн төлөө зүтгэх болно.

НҮҮРСНИЙ ХУЛГАЙЧ нарын, тэдний гар хөл болж буй этгээдүүдийн нүгэл нь нүдээрээ гарах цаг НЭГЭНТ ИРЧИХСЭН ГЭДГИЙГ САНУУЛЧИХЬЯ.

Д.Амарбаясгалан: Иргэн Г. Ган-Очирын ор үндэслэлгүй мэдээлэлд тайлбар өгч байна