Эмээлтээс ирүүлсэн махны дээжид “Старт ап Праймер” лаборатори молекул биологийн аргаар буюу PCR-ын шинжилгээ хийж, хариуг танилцууллаа. Хариунд “MNS 6931:2021 стандартын дагуу мултиплекс PCR-ын цомог ашиглан зооноз ба хүнсний халдвар, хордлого үүсгэгч найман төрлийн бактерийн тандан шинжилгээ хийжээ.

Дээж №1-д Aeromonas hydrophila болон Pseudomonas spp нянгууд, Дээж №2-т Salmonella spp, Aeromonas hydrophila болон Pseudomonas spp нянгууд илэрсэн байна.

Salmonella spp бол зооноз өвчин үүсгэгч нян. Эдгээр нянгууд нь тохиромжтой нөхцөл бүрдсэн үед буюу махны эрүүл ахуй, хадгалалтын горим алдагдсан үед үржин олшрох чадвартай ашигч бактериуд бөгөөд малаас бус орчны бохирдолтоос үүдэлтэй.