ХАРХОРИН СУМЫН НУТАГТ ХЭЭРИЙН ТҮЙМЭР ГАРЧЭЭ

Өвөрхангай аймгийн Хархорин сумын Нарийн хүр 4 дүгээр багийн “Баруун намаг гүвдэй” гэдэг газар энэ сарын 30-ны өдөр хээрийн түймэр гарчээ.

Тус газар нь аймгийн төвөөс зүүн хойд зүгт 162 км, сумын төвөөс хойд зүгт 27 км юм. Тус дуудлагыг тухайн өдрийн 14:50 цагт сумын Онцгой байдлын хэлтсийн Гал түймэр унтраах, аврах 45 дугаар ангийн алба хаагчид хүлээн авч орон нутгийн иргэдийн хамт 27 км замыг туулан очиж, түймрийг бүрэн унтраажээ. Уг гал түймэрт 12 га талбай шатсан тухай Онцгой байдлын Ерөнхий газраас мэдээллээ.