Шивээхүрэн боомтын нүүрсний экспортыг 40 тээврийн хэрэгслээр нэмэгдүүлнэ

2021-10-18 Засгийн газар

Хилийн 0166 дугаар ангийн Шивээхүрэн боомтын зөвлөл, БНХАУ-ын Сэхэ боомтын захиргаатай харилцан ажилласны үр дүнд улсын хилээр нэвтрэх нүүрс тээврийн экспортын үйл ажиллагааг нэмэгдүүлэх, импортын ачааг татан авах талаар харилцан тохиролцлоо.

Ийнхүү Шивээхүрэн боомтоор өдөр бүр нүүрс тээврийн 160-190 машин гарч байсныг энэ оны 10 дугаар сарын 16-ны өдрөөс 40 тээврийн хэрэгслээр нэмэгдүүлэх шийдвэр гараад байна. Цаашид хэвийн ажиллагааг хангах, улсын хилээр нэвтрэх тээврийн хэрэгслийн тоог өсгөх замаар нүүрсний экспортыг дэс дараатай нэмэгдүүлэх талаар харилцан тохиролцож, холбогдох арга хэмжээг авах юм гэж Хууль зүй, дотоод хэргийн яамнаас мэдээллээ.

© 2017 newsmedia.mn. Бүх эрх хуулиар хамгаалагдсан.