ЭМЯ: Сүүлийн хоногт 3234 тохиолдол бүртгэгдэж, найман хүн нас баржээ

2021-09-16 Мэдээ мэдээлэл

Улсын хэмжээнд сүүлийн 24 цагийн хугацаанд шинээр 3,234 хүнээс коронавирусийн халдвар илэрлээ. Ингэснээр нийт бүртгэгдсэн тохиолдол 266,680 болж нэмэгдэв. Шинээр илэрсэн тохиолдлууд бүгд дотоодын халдвар бөгөөд 1,785 нь нийслэл хотод, 1,449 нь орон нутагт бүртгэгджээ. Мөн хугацаанд 4,767 иргэн эдгэрч, эмнэлгийн болон гэрийн ажиглалтаас гарчээ.

Харин коронавируст халдварын улмаас 21-80 гаруй насны найман хүн нас барсан байна.
Өнөөдрийн байдлаар уг өвчний хүндрэлээр нийтдээ 1,001 хүн эндээд байгаа юм. Одоогоор коронавируст халдварын улмаас улсын хэмжээнд 21,075 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 48,600 хүн Өрхийн эмчийн хяналт дор гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

Хөнгөн – 13,008
Хүндэвтэр- 5,936
Хүнд – 1,804
Маш хүнд – 327 хүн байна

© 2017 newsmedia.mn. Бүх эрх хуулиар хамгаалагдсан.