Хоёр тал ХИЛИЙН АВТО ЗАМЫН БООМТУУДЫГ ажиллуулахаар талууд тохиролцов

Монгол, Хятадын “Хилийн боомт, тэдгээрийн дэглэмийн тухай” Монгол Улсын Засгийн газар, БНХАУ-ын Засгийн газар хоорондын хэлэлцээрийн дагуу энэ оны сүүлийн хагас жилийн хугацаанд хэрхэн ажиллах талаар  дипломат шугамаар харилцан тохиролцлоо.

Тус  харилцан тохиролцоонд монголын талын баяр амралтын өдөр /Бүгд Найрамдах Улс Тунхагласан өдөр-11 дүгээр сарын 26, Их эзэн Чингис хааны өдөр (билгийн тооллын өвлийн тэргүүн сарын шинийн нэгэн), Үндэсний эрх чөлөө, тусгаар тогтонолоо сэргээсэн баярын өдөр-12 дугаар сарын 29/ -үүдэд хилийн Булган-Такашикэн, Булган-Лаоемяо, Шивээхүрэн-Сэхээ, Гашуунсухайт-Ганцмод, Ханги-Мандал, Замын-Үүд-Эрээн, Бичигт-Зүүнхатавч, Баянхошуу-Өвдөг зэрэг хилийн авто замын боомтуудыг ажиллуулахаар боллоо.

Эх сурвалж: Хил хамгаалах ерөнхий газар