Мөрийтэй тоглоом зохион байгуулдаг 72 сайтыг хязгаарлажээ

 

Цахимаар мөрийтэй тоглоом зохион байгуулдаг сайт өнгөрсөн оны сүүлээр 18 байжээ. Харин энэ тоо өнөөдрийн байдлаар 231 болж өссөн тухай Эрүүгийн цагдаагийн албанаас мэдээллээ.

 

Одоогоор цахим покер тоглоомын 68 сайт, тэдгээрийн ард буй этгээдүүдийг илрүүлэн хэрэг бүртгэлтийн хэрэг нээн, мөрдөж шалгаж байгаа аж. Мөн цахим мөрийтэй тоглоом зохион байгуулдаг 72 сайтын хандалтыг хязгаарлажээ.

Монгол Улсын Эрүүгийн хуульд 2020 оны нэгдүгээр сарын 10-нд оруулсан нэмэлт өөрчлөлтөөр цахим орчинд мөрийтэй тоглоом зохион байгуулахыг эрүүгийн гэмт хэрэгт тооцон хуульчилсан байдаг.