ЛОМБАРДНЫ ХҮҮГ гурван хувь болгох хуулийг ХҮЧИНГҮЙ болгохоор  ЖИЖИГ ЛОМБАРДУУД ҮХЦ-д гомдол гаргажээ

УИХ-аас барьцаалан зээлдүүлэх газар буюу ломбардны хүүг сарын гурван хувь болгон бууруулах хуулийг 2021 оны нэгдүгээр сарын 29-ний өдөр баталсан. Гэвч нэг салбартайгаар үйл ажиллагаа явуулдаг жижиг ломбардууд уг хуулийг даган мөрдөхөөс татгалзаж, уг зүйл заалтыг хүчингүй болгуулахаар Үндсэн хуулийн цэцэд гомдол гаргаад байгаа юм байна.

Жижиг ломбарднуудын зүгээс “50 сая төгрөгийг сарын 5-8 хувийн хүүтэйгээр эргэлдүүлж байж дөнгөн данган үйл ажиллагаа явуулдаг учир сарын хүүг 3 хувь болговол шууд дампуурна. Тиймээс нийслэлд үйл ажиллагаа явуулдаг 220 гаруй жижиг ломбардууд нэгдсэн холбоо байгуулж, Үндсэн хуулийн цэцэд хандсан” гэв.