Улсын хэмжээнд 2020 оны эхний 9 сард мал, амьтны халдварт галзуу өвчний 73, боом өвчний 4, шүлхий өвчний 1, тарваган тахал өвчний 6, цусан халдварын 1, шинэ төрлийн корона вируст (Covid-19) халдварын 313 тохиолдол тус тус бүртгэгдсэн байна.
Цаг агаарын хувьд үнэмлэхүй их температур өнгөрөгч сард Баянхонгор аймгийн Эхийн гол орчмоор +34.0 хэм, үнэмлэхүй бага температур Баянхонгор аймгийн Гурванбулаг суманд -13.4 хэмд хүрлээ.
Улаанбаатар хотын агаар дахь хүхэрлэг хийн сарын дундаж агууламж болон азотын давхар ислийн сарын дундаж агууламж өнгөрөгч сард агаарын чанарын стандарт хүлцэх агууламжаас давсан тохиолдол гараагүй байна.
Аюулт үзэгдэл, ослын тохиолдол 2020 оны эхний есөн сард 3440 болж, өмнөх оны мөн үеэс 456 (11.7%)-гаар буурсан байна. Объектын түймэр 2315 удаа гарч, өмнөх оны мөн үеэс 959 (29.3%)-өөр буурсан байна.
