Хүүхдийн мөнгийг нэмэгдсэн дүнгээр нь шилжүүлж дуусчээ

Засгийн газраас Ковид 19 цар тахлын үед нийгмийн эмзэг бүлгийн нийгмийн хамгааллыг сайжруулах зорилгоор авч хэрэгжүүлэхээр болсон 2 дахь багц арга хэмжээний хүрээнд хүүхдийн мөнгөн тэтгэмжийг дөрөвдүгээр сарын 1-нээс аравдугаар сарын 1-ний хугацаанд 100 мянган төгрөг болгон нэмэгдүүлэхээр шийдвэрлэсэн.

Энэ дагуу хүүхдүүдэд олгох энэ сарын мөнгөн тэтгэмжийг нэмэгдсэн дүнгээр нь шилжүүлж дууссан талаар Хөдөлмөр, нийгмийн хамгааллын сайд С.Чинзориг мэдээлжээ. Нийтдээ 1 146 000 хүүхдэд тус бүрт нь 100 000 төгрөг олгосон нь Монгол Улсын нийт хүүхдийн 96.4 хувь болж буй юм.