МАХН нэр дэвшигчээ энэ сарын 5-нд тодруулна

2017-05-2 Нам хөдөлгөөний амьдрал

Ардчилсан намаас Ерөнхийлөгчийн сонгуульд нэр дэвших хүсэлт ирүүлсэн гишүүдээ бүртгэж, үнэмлэхийг нь өчигдөр гардуулан өгсөн.

Харин өнөөдөр Монгол Ардын Нам нэр дэвшигчидээ Бага хурлаараа тодруулна. МАН-ынхан Ерөнхийлөгчид нэр дэвшүүлэх хүмүүсийн талаар судалгаа хийсэн аж. Энэхүү судалгаанд үндэслэсэн нэр дэвшигчээ Бага хурлаар оруулж, шийдэх юм байна. Тодруулбал, тус намын Удирдах зөвлөлөөс Бага хуралдаа Ерөнхийлөгчийн сонгуульд М.Энхболд, Ц.Нямдорж, Ө.Энхтүвшин гурвын нэрийг оруулж, нууц санал хураалтаар нэр дэвшигчээ тодруулах аж. Бага хурал нь 310 гишүүнтэй.

Хамгийн сүүлд буюу ирэх сарын 5-нд МАХН-ын VI бага чуулган хаалттай болж, нэр дэвшигчээ тодруулах товтой байна.

А.Уянга

<

© 2021 newsmedia.mn. Бүх эрх хуулиар хамгаалагдсан.