ТОСК-ийн дарга асан А.Гантулгыг 461-р ангид саатуулжээ

Төрийн орон сууцны корпораци /ТОСК-ийн дарга асан А.Гантулгыг Авлигатай тэмцэх газраас уржигдар  саатуулжээ.  Түүнийг ТОСК-ийн захирлаар томилогдон ажиллаж байх хугацаандаа албан тушаалаа урвуулан ашиглаж, улсын мөнгө шамшигдуулсан үндэслэлээр шалгахаар 461-р ангид хорисон байна.

Зарим мэдээллийн эх сурвалжийн  мэдээлж буйгаар “Үндэсний барилга консорциум” ХХК-ийн захирал Д.Цэндтэй 2013 оны арваннэгдүгээр сард хөрөнгө оруулалт, хамтын ажиллагааны гэрээ байгуулж их хэмжээний мөнгө олгосон ч нөгөө консорциум нь ямар ч ажил гүйцэтгээгүй аж.

А.Уянга