Нийслэл дэх Захиргааны хэргийн анхан шатны шүүхэд энэ сарын 30-ны өдөр Э.Оюунболдын нэхэмжлэлтэй, Баяр наадмыг зохион байгуулах үндэсний хороонд холбогдох нэхэмжлэл ирсэн байна.

Нэхэмжлэлд допинг хэрэглэсэн гэх мэдээллийг олон нийтэд тараасан, Улсын аварга цолыг хураалгах шийдвэрийг ерөнхийлөгчид хүргүүлсэн гэх маргаан бүхий захиргааны актын биелэлтийг уг маргаан эцэслэн шийдвэрлэх хүртэл хугацаанд түдгэлзүүлэх тухай дурьджээ.

Уг нэхэмжлэлийг Захиргааны хэрэг хянан шийдвэрлэх тухай хуулийн 55.1-т зааснаар захиргааны хэрэг үүсгэх эсэхийг 7 хоногийн хугацаанд шийдвэрлэнэ.  Захиргааны хэрэг үүсгэх юм бол нэхэмжлэлийн дагуу Нийслэл дэх Захиргааны хэргийн анхан шатны шүүх хэргийг хэлэлцэнэ. Хэрвээ хэрэг үүсгэхгүй бол асуудлыг хэлэлцэхгүй орхих юм.