Энхрий үрсдээ ХОР бус БЭЛЭГ өгөөрэй

Хэдхэн хоногийн дараа Монгол орон даяар хүүхдийн баяр хөөр, инээд бялхан цангинана. Тэд маань энэ өдрийг бүтэн жил хүлээж, бэлгээ гардахыг л хүсдэг шүү дээ. Гэвч өнөөдөр бэлэг нэртэй хор хойч үеийн маань эрүүл мэндийг алгуурхан хөнөөсөөр байна. Энэхүү баяраар эцэг, эхчүүд хүүхдэдээ ихэвчлэн ууталж, боосон бэлэг өгдөг. Гэвч дотор нь байгаа амттан, жигнэмэгийн үйлдвэрлэсэн хугацааг тэр бүрчлэн шалгаж авах боломжгүй. Учир нь хэн ч харсан өнгө үзэмжтэй, уутны амыг цэцэглэж боочихсон байдаг билээ. Гэтэл дотор нь хугацаа дууссан, гарал үүсэл нь тодорхойгүй бараа бүтээгдэхүүнүүд ихээр орсон байх нь бий.

Тиймээс мэргэжлийн байгууллагаас эрхэм эцэг эх, өвөө эмээ, халамжлан хүмүүжүүлэгчдэд дараах зөвлөгөөг хүргэж байна.