НИЙСЛЭЛИЙН МАН-ЫН ДАРГАД ХОТЫН ДАРГА ӨРСӨЛДӨНӨ

Нийслэлийн МАН-ыг дарга Ц.Сандуй албан тушаалаа өгснөөс хойш энэхүү суудал эзгүй байгаа. Тэгвэл тун удахгүй МАН-ын бага хурлыг ирэх зургадугаар сард хийхээр төлөвлөжээ. Өнгөрөгч онд Нийслэлийн МАН-ын хорооны тэргүүлэгчид хуралдан Нийслэлийн МАН-ын даргыг түр орлон гүйцэтгэгчээр нийслэлийн Засаг дарга бөгөөд Улаанбаатар хотын захирагч С.Батболдыг 100 хувийн саналтай сонгосон юм.

Улмаар Нийслэлийн МАН-ын даргыг сонгох тус хорооны ээлжит хурлыг ирэх сарын 7-ны өдөр товлогдсон байна. Уг хурлыг угтаж Нийслэлийн МАН-ын намын хорооны тэргүүлэгчид хуралдаж тов, төлөөлөгчийн тоо, сонгох журмыг баталжээ. Ингэхдээ намын анхан шатны байгууллагаас 305 төлөөлөгчийг сон­гож, 69-ийг нь квотоор оролцуулахаар шийд­вэр­лэсэн юм.

Нийслэлийн МАН-ын даргад нэр дэвшихээ мэдэгдээд буй Нийслэлийн засаг дарга бөгөөд Улаанбаатар хотын захирагч С.Батболд МАН-ын 2016 оны сонгуулийн мөрийн хөтөлбөрийг хэрэгжүүлэх, Улаанбаатар хотын бүтээн байгуулалт, хөрөнгө оруулалтын ажлаа 2020 он гэхэд дуусгаж, үр дүнг олон түмэнд тайлагнах үүднээс уг шийдвэрийг гаргасан гэнэ.