Төмөрлөгийн үйлдвэрийн 20 ажилчин угаарын хийд хорджээ

Дархан-Уул аймгийн Төмөрлөгийн үйлдвэрийн 20 ажилчин өчигдөр орой угаарын хийн хордлогонд орсон байж болзошгүй шинж тэмдэгтэйгээр аймгийн нэгдсэн эмнэлэгт хүргэгдэж иржээ.

Одоогоор 18 хүний биеийн байдал дунд зэрэг, 2 хүний бие хүндэвтэр байгаа талаар Эрүүл мэндийн яамны тандалт шуурхай удирдлагын хэлтсээс Дархан-уул аймгийн нэгдсэн эмнэлэгтэй цахимаар холбогдож, нөхцөл байдалтай танилцан мэргэжлийн зөвлөгөө өглөө. Тус аймгийн Эрүүл мэндийн газар Нэгдсэн эмнэлэг, Мэргэжлийн хяналт, Онцгой байдлын мэргэжилтнүүд газар дээр нь ажиллаж байна.