Хот хоорондын зорчигч тээврийн үйлчилгээг сонгохыг уриаллаа

Ихэнх нутгаар энэ сарын 07-08-нд  нойттон цас орж, цасан болон шороон шуурга шуурна гэж Цаг уур орчны шинжилгээний газраас мэдээллээ. Тиймээс Атво тээврийн үндэсний төвөөс сэрэмжлүүлэг гаргажээ.

Хучтэй салхи шуурганы үеэр авто замын зорчих хэсэгт үүссэн хальтиргаа гулгааны улмаас зам, тээврийн осол гарах, тээврийн хэрэгсэл саатах улмаар шатахуун дуусах, эвдрэх, холбоогүй болох зэрэг тохиолдол гардаг. Үүний улмаас зорчигчдын амь нас, эрүүл мэндэд эрсдэл учрах магадлалтайг сэрэмжлүүллээ.

Мөн Тиймээс тээвэрчид, ард иргэд та бүхнийг онцын шаардлагагүй бол орон нутагт хувийн тээврийн хэрэгслээр зорчихгүй байх, шаардлагатай тохиолдолд тээврийн хэрэгслийн техникийн бүрэн бүтэн байдлыг сайтар хангахыг анхааруулав. Түүнчлэн “Автотээврийн үндэсний төв”-тэй гэрээгээр ажилладаг аж ахуйн нэгжийн найдвартай, баталгаатай, даатгалтай хот хоорондын зорчигч тээврийн үйлчилгээг сонгохыг уриаллаа.