М.БАТТҮВШИН: Манай аймагт нийгмийн эрүүл мэндийн төв ажиллах боломж бүрдсэн

2017-02-16 Орхон

Манай аймагт Өрхийн эрүүл мэндийн цогц төв, Түргэн тусламжийн төв, Нийгмийн эрүүл мэндийн төв үйл ажиллагаагаа явуулж эхлэхэд бэлэн болсон. Одоогоор аймгийн удирдлагуудын шийдвэрийг хүлээж байна гэж Эрүүл мэндийн газрын дарга М.Баттүвшин мэдээллээ. Тиймээс  тус газрын Удирдлагын зөвлөлийн хурлын шийдвэрээр “Жирэмсний өртөмтгий бүлгийн онцгой хяналтын кабинет”-ын эх барих эмч нарыг Өрхийн эрүүл мэндийн цогц төвүүдэд байрлуулж ажиллуулахаар болжээ. Мөн эдгээр төвүүдэд товлолт вакцин тарилгын ажлыг зохион байгуулж байхаар болсон байна.

Түргэн тусламжийн төвийг бие даасан байгууллага болгох эсэхийг Засгийн газраас шийдэх ёстой. Тиймээс уг асуудлыг аймгийн Засаг даргаар дамжуулж Засгийн газарт уламжлахаар төлөвлөж байгаа аж.
Засгийн газрын мөрийн хөтөлбөрт манай аймагт Түргэн тусламжийн төв байгуулахад 1.5 тэрбум гаруй төгрөг, Өрхийн эрүүл мэндийн цогц төв хоёрыг  байгуулахад тус бүр 1.5 тэрбум төгрөг зарцуулахаар тусгасан.

Иймд аймгийн Эрүүл мэндийн газраас шинээр байгуулагдах Өрхийн эрүүл мэндийн цогц төвүүдэд шаардлагатай 14 нэр төрлийн тоног төхөөрөмж, иргэдэд үйлчлэх нарийн мэргэжлийн үйлчилгээнүүдийн жагсаалтыг бэлэн болгоод байна гэж тус газрын дарга М.Баттүвшин ярьлаа.
Эх сурвалж:  Мэдээллийн төв
[powr-comments id=86ad5453_1485400055]

© 2017 newsmedia.mn. Бүх эрх хуулиар хамгаалагдсан.