Авто замын засвар, өргөтгөл, шинэчлэлтийн ажил Улаанбаатар хотод үргэлжилж байна. 

Энэ хүрээнд Сонгинохайрхан дүүргийн нутаг дэвсгэрт, Орбитын уулзвараас-Толгойтын эцэс-Үйлдвэрчний эвлэлийн гудамж хүртэлх 3.6 км авто замын ажил хийгдэж байгаа юм.

Тодруулбал, 21 дүгээр хорооллын гэрлэн дохиотой уулзвараас авто сургуулийн гүүр хүртэлх авто замын тээврийн хэрэгслийн хөдөлгөөнийг түр хугацаагаар хэсэгчлэн хааж, цементээр бэхжүүлсэн суурь болон асфальтобетон хучилтын ажил хийхээр бэлтгэл ажлаа хангажээ.