Нийслэлийн хэмжээнд нийт 4377.7 тонн давсны нөөцтэй байна

Нийслэлд энэ сарын 23-24-нд шилжих шөнө орсон цасыг Хот тохижилтын газар ОНӨААТҮГ, дүүргүүдийн Тохижилт үйлчилгээний компаниуд зэрэг нийт 35 байгууллагын 1200 гаруй ажилтан 180 гаруй тусгай зориулалтын машин техник, хэрэгсэлтэйгээр цэвэрлэж байна.

Мөн гол болон туслах авто зам, хотоос алслагдсан замуудыг цэвэрлэж, гулгааг арилгах тусгай зориулалтын 119.7 тонн бодис, 141.5 тонн давс тус тус зарцуулжээ.

Нийслэлийн хэмжээнд нийт 4377.7 тонн давс, 6542.8 тонн бодисын бодит үлдэгдэлтэй байна.