Сэрэмжлүүлэг: Бамбай хоншоорт хортой могойд хатгуулбал үхэлд хүргэх аюултай

Сүүлийн өдрүүдэд нийслэлийн ойролцоо хаа сайгүй бамбай хоншоорт хортой могой элбэгших болов. Энэхүү могой нь 70 орчим см урттай, өнгө нь хувирамтгай ч ихэнхдээ хул шарга юм уу, хар хүрэн өнгөтэй байдаг байна. Мөн хүүхэн хараа нь босоо, нүд хамрын хооронд гүнзгий хонхортой. Одоогийн байдлаар могойтой таарсан гэх олон дуудлага бүртгэгдэж байгааг холбогдох албаныхан хэлж байна. Тиймээс энэхүү могойд хатгуулбал, яаралтай эмнэлэгт хандахгүй бол үхэлд хүргэх аюултай аж.