“Зулын 25”-ны дүйчин өдрийн номын айлдварыг цахимаар даган баясаарай

Монголчууд бид эрт дээр үеэс Өвлийн тэргүүн сарын 25-ны өдрийг ”Зулын 25″ буюу “Богд ламын дүйчин” өдөр хэмээн олон зуун жил тэмдэглэн өнгөрүүлж ирсэн түүхтэй. Зулын 25-н 2020 оны 12 дугаар сарын 10-ны Пүрэв гарагт тохионо.

Энэ өдөр мацаг барьж /цагаан хоол идэж/ арван хар нүглийг тэвчин, бие, хэл, сэтгэлээ ариусган маани, мэгзэм уншин, зул өргөж буян үйлдвээс өргөсөн нэг зул мянга болж, уншсан нэг маани, мэгзэм нь түм болон арвижин их буян хураадаг байна.
.Сүсэгтэн олон цар тахлын энэ хүнд үед гэрээсээ даган баясаж, буянд шамдан өнгөрүүлэхийг МБШТ Гандантэгчэнлин хийдээс уриаллаа.

БОГД ЛАМЫН ДҮЙЧИН, ЗУЛЫН 25-НЫ ХӨТӨЛБӨР /Хэвлэл мэдээлэл, цахим орчинд шууд явагдана/

2020.12.10 Пүрэв гараг

06:30 Тэгчэн сожин МБШТ Гандантэгчэнлин хийдийн тэргүүн хамба лам, гавж, Д.Чойжамц /ТВ-5, ТВ-9, Гандантэгчэнлин хийд, Бурхан багшийн их дүйчин өдөр цахим хуудас, Лавай-Эгшиг радио шууд дамжуулна/

08:00 – 22:00 Богд ламын чого Гандан дуганд /ТВ-5, Гандантэгчэнлин хийд, Лавай-Эгшиг радио шууд дамжуулна/

08:00 – 22:00 Сандуйн чого Очирдарийн дуганд /ТВ-9, Бурхан багшийн их дүйчин өдөр цахим хуудас шууд дамжуулна/

11:30 МБШТ Гандантэгчэнлин хийдийн тэргүүн их хамба ламын айлдвар, мэндчилгээ. /МҮОНРТ, ТВ-5, ТВ-9, Лавай-Эгшиг радио шууд дамжуулна/

12:00 Богд ламын дүйчин Зулын 25-ны дүйчин өдрийн номын айлдвар /ТВ-5, ТВ-9, Гандантэгчэнлин хийд, Бурхан багшийн их дүйчин өдөр цахим хуудас, Лавай-Эгшиг радио шууд дамжуулна/

20:00 1,000 зул өргөх ёслол Covid-19 цар тахал түргэн амирлах, өвдсөн хүмүүс эрүүл байхад зориулна. /Гандантэгчэнлин хийд, Бурхан багшийн их дүйчин өдөр цахим хуудсаар шууд дамжуулна/