Улсын төв эмнэлгүүд 20.00 цаг хүртэл ажилладаг болно

Эрүүл мэндийн яамнаас томоохон эмнэлгүүдийн ачааллыг бууруулах зорилгоор зарим эмнэлгүүдийн ажиллах цагийг уртасган 20 цаг болгох  шийдвэр гаргажээ. Тухайлбал, Улсын нэгдүгээр төв эмнэлэг, П.Н.Шастины нэрэмжит Улсын гуравдугаар төв эмнэлэг, Хавдар судлалын үндэсний төв, Эх, хүүхдийн эрүүл мэндийн үндэсний төв ирэх сарын  1-нээс, Гэмтэл согог судлалын үндэсний төв  гуравдугаар сарын 1-нээс 20 цаг хүртэл ажиллах юм байна. Үүнээс үүдэн дээрх эмнэлгүүдийн хүний нөөцийн асуудал яригдаж эхэлжээ. Нэг эмнэлэгт дунджаар найман  эмч, сувилагч нэмж ажиллуулах шаардлагатай гэсэн тооцоо гаргажээ.

Эх сурвалж: Newsmedia.mn