Д.Мөнхбаатар: Өвөө, эмээ нар угаар мэдрэгчээ хадганд боочихоод ашиглахгүй байна

Нийслэлийн агаар орчны бохирдолтой тэмцэх газрын дарга Д.Мөнхбаатар өнөөдөр /2024.12.17/ мэдээлэл хийлээ.

Тэрбээр “2019 онд нийслэлийн гэр хорооллын айл өрхийг угаартахаас сэргийлж утаа мэдрэгч үнэгүй тараасан. 2020 онд “Тавантолгой түлш” компаниас мөн 60 мянган өрхөд угаар мэдрэгч тараасан. Гэтэл өнөөдөр 60 мянган өрх л энэхүү угаар мэдрэгчийг ашиглаж байна. Манайхаас шалгалт хийхэд настай өвөө, эмээ нар маань угаар мэдрэгчдийг хадганд ороочихсон байх жишээний. Төрийнхөө өгсөн юмыг нандигнана аа гээд ашиглахгүй байна” гэлээ.