Нийслэлийн хэмжээнд өрх бүрээс нэг гишүүнийг шинжилгээнд хамруулах ажлын бэлтгэл өчигдөр оройны байдлаар 87 хувьтай байна гэж Нийслэлийн ЗДТГ-ын Хэвлэл мэдээлэлтэй харилцах хэлтсээс мэдээллээ.

Хоёрдугаар сарын 11-ний 06:00 цагаас эхлэн бүх нийтийн бэлэн байдлын зэрэгт шилжиж буй. Нийт 12 хоногийн хугацаанд өрх бүрээс насанд хүрсэн нэг иргэнийг шинжилгээнд хамруулах билээ.

“Нэг хаалга-Нэг шинжилгээ”-ний бэлтгэл:

• Багануур 70 хувь,
• Багахангай 100 хувь,
• Баянгол 80,
• Баянзүрх 70,
• Налайх 90,
• Сонгинохайрхан 90,
• Сүхбаатар 95,
• Хан-Уул 85,
• Чингэлтэй 100 хувьтай хангаад байна.