Үндсэн хуульд 9 яамыг нэр заан тусгана гэв

2017-05-16 Парламент
Зураг

Монгол Улсын Үндсэн хуульд нэмэлт, өөрчлөлт оруулах асуудлаар улс төрийн намуудын дарга, удирдлагын хүрээнд Үндэсний зөвшилцөлийг Төрийн ордонд зохион байгуулж байна.

Зөвшилцлийг УИХ-ын дарга, МАН-ын дарга М.Энхболд нээж үг хэлэхдээ “Үндсэн хуульд өөрчлөлт оруулах асуудлаар манай нам бусад улстөрийн намуудын санал, хүсэлтийг сонсох, зөв чигч байдлаар өөрчлөлт оруулах ажлыг зохион байгуулахад анхааран ажиллаж байна. Үндсэн хуульд ямар байдлаар өөрчлөлт оруулах вэ гэх асуудлын хүрээнд Зөвлөлдөх зөвлөлөөс хоёр үе шаттайгаар зөвлөлдөх санал асуулгыг зохион байгуулж, ерөнхий саналыг нь УИХ-д өргөн барьсан байгаа” гэж тодотгов.

Дараа нь Зөвлөлдөх зөвлөлийн гишүүн, Монгол Улсын Үндсэн хуульд нэмэлт, өөрчлөлт оруулах ажлын хэсгийн ахлагч, УИХ-ын гишүүн Д.Лүндээжанцан Үндсэн хуульд оруулахаар бэлтгэж байгаа өөрчлөлтийн талаар хэлэлцүүлэгт оролцогчдод товч мэдээлэл хийж байгаа юм. Тухайлбал Үндсэн хуульд оруулах өөрчлөлтийн дунд “Зөвхөн хуралдаанд оролцсон гишүүдийн олонх биш нийт 76 гишүүдийн 4-ний 1 буюу 19 гишүүн дэмжсэн тохиолдолд Eрөнхий сайдын огцруулах, “9 яамны нэрийг Үндсэн хуульд нэр заан оруулж, Засгийн газарт 3-4 яам үлдээх”, “Баг, хороодын Засаг даргыг Сум, дүүргийн Засаг томилно” гэх зэрэг санал орж байгаа аж.

Зөвшилцөлд мөн УИХ-ын гишүүн Б.Хаянхярваа, Н.Энхболд, Я.Содбаатар нар болон улс төрийн намуудын дарга, удирдлагууд оролцож байна. Одоо улс төрийн намын дарга, удирдлагууд Үндсэн хуулийн өөрчлөлтийн асуудлаар саналаа хэлж байна.

<

Өнөөдрийн онч үг

18 цагийн өмнө

© 2021 newsmedia.mn. Бүх эрх хуулиар хамгаалагдсан.