Хориотой үед загас агнавал торгууль төлөхийг анхааруулж байна

Амьтны тухай хуульд заасны дагуу жил бүрийн дөрөвдүгээр сарын 1-ээс зургадугаар сарын 15-ны өдрийг хүртэл загас агнах барихыг хориглодог.  Энэ үе нь загасны үржлийн эд оргил үе юм. Дээрх хугацаанд загас 20 дахин үржих нөхцөл бүрддэг байна. Тиймээс загасны үржлийн үед агнаж баривал тухайн төрөл зүйл устах аюултай юм байна. Хориотой үед загас агнавал нөхөн төлбөр буюу торгууль төлөхийг ЦЕГ-ын Экологийн цагдаагийн албанаас анхааруулж байна.