Өнөөдрөөс эхлэн гадуур явахдаа ЗААВАЛ маск зүүх ёстой болж байна

Улсын онцгой комиссоос COVID-19 өвчнөөс урьдчилан сэргийлэх ажлыг эрчимжүүлэх зорилгоор “Маскаа зүүцгээе” аяныг зарлаж, УОК-ын тогтоол гаргалаа. Аяныг өнөөдрөөс буюу дөрөвдүгээр сарын 13-наас тавдугаар сарын 31-нийг дуустал хэрэгжүүлэхээр болжээ.

Тус аян улс орон даяар үргэлжлэх бөгөөд аймаг, нийслэлийн удирдлагуудад хүргүүлж байна. Таны аюулгүй байдал, таны гэр бүл, улс орны аюулгүй байдал таны гарт тул өөрсдөө тавих шаардлагаа, өрөөлд тавих шаардлагаа өндөрсгөе хэмээн уриаллаа.