Шинэ жилийн баярын цэнгүүний үеэр 18 чиглэлд автобус үйлчилнэ

2017 оны арванхоёрдугаар сарын 31-ний өдөр Сүхбаатарын талбайд болох “Шинэ жилийн баярын цэнгүүн”-д зориулж иргэдийг нийтийн тээврийн үйлчилгээгээр хангахаар төлөвлөсөн байна.

“Шинэ жилийн баярын цэнгүүн” нэгдсэн үйл ажиллагаа өндөрлөхөд их багтаамжийн автобусны 18 чиглэлд 18 автобус Сүхбаатарын талбайн баруун, зүүн болон урд зогсоол буюу зурагт тэмдэглэсэн “А”, “B”, “С” зогсоолоос суурьшлын цэгүүд рүү үнэ төлбөргүй үйлчлэхээр болжээ.

Мөн 2017 оны арванхоёрдугаар сарын 29, 30, 31, 2018 оны нэгдүгээр сарын 1-ний өдөр нийтийн тээврийн үйлчилгээ энгийн амралтын өдрийн хуваарийн дагуу үргэлжлэх аж.