Эрээнцавын боомт ирэх сарын нэгэн хүртэл хаалттай

Эрээнцавын боомтыг 12-р сарын 1-ний өдөр хүртэл хаахаар боллоо.

Улсын Онцгой комисст Дорнод аймгийн Онцгой комиссоос хүсэлт хүргүүлснийг өнөөдрийн Засгийн газрын хуралдаанаар хэлэлцэж, Эрээнцав төмөр замын боомтыг 2020 оны 11-р сарын 20-ны өдрөөс 12-р сарын 1-ний өдрийг хүртэл түр хугацаагаар хаахаар шийдвэрлэсэн байна.

Коронавирусний халдвараас урьдчилан сэргийлэх зорилгоор энэхүү санал, хүсэлтийг хүргүүлсэн бөгөөд зүүн бүсийн болон аймгийн хэмжээний шатахуун, түлшний нөөц, хангамжийг тооцон үзэж, хөрш аймгуудаас саналыг нь авсан гэж Дорнод аймгийн Онцгой комиссоос мэдээлэв