Токио-Улаанбаатар чиглэлийн тусгай үүргийн нислэгээр өчигдөр (2020.04.03) эх орондоо ирсэн Монгол Улсын Ерөнхийлөгч асан Ц.Элбэгдорж өнөөдөр өглөө фэйсбүүк, твиттер хуудсаараа дамжуулан мэндчилгээ дэвшүүлсэн байна.

Тэрбээр “Эрхэм сайхан андуудаа, Эх орны гэгээн өдрийн мэнд. Сайн явж ирлээ. Эмтэрч санасан нутагтаа, Та нартаа хүрээд ирлээ. Онгоц үйлчилгээ, ариутгал дэглэм, угталт үйлчилгээ, тээвэр зохицуулалт, байр хоол бүгд супер.

Манайхан үнэхээр сэтгэлээсээ, элэгсэг хүнлэг, зохион байгуулалт, ур чадвар, мэргэжлийн өндөр түвшинд байгаа нь гайхалтай.

Олон сайхан найзууд, амьдрал тэмцлийн амин андууд, сэтгэл сайт хүмүүс тосоод зогсож байгаа нь бүр сайхан. Болдогсон бол үсэрч буугаад тэврэлдэн золгож, уулзан жаргамаар. Хадаг сүүгээ барьчихсан, бас алс газраас зарим нь зориод ирж. Түмэн олныхоо тус дэм, халуун сэтгэл, буян заяанд залбирч, баярлаж байна.

Баярлалаа Та бүхэндээ” хэмээн фэйсбүүк хуудсандаа бичжээ.

“Сайхан өглөөний мэнд. Олон сайхан хүний сэтгэл, тус дэм, угтаж үйлчлэх нь мянга талархаад барамгүй. Нислэг, ариутгал, тээвэр, үйлчилгээ, зохицуулалт супер. Зарим нь бүр хадаг сүүгээ бариад тосох. Цонх хаалга битүү автобус. Болдогсон бол мэнд мэдэж, золгон уулзмаар. Баярлаж байнөө” гэж твиттер хуудсандаа жиргэсэн байна.