Өдрийг ялах нь амьдралыг ялахын эхлэл юм: Өглөөний ДӨРВӨН дадал

Бид өдөр бүр л завгүй гүйж, ажил, сургууль, амьдралын их хэмнэл дунд өөрийгөө гээчихдэг. Тэгвэл яг одоо өөртөө хэдхэн минутыг гаргаад, гүнзгий амьсгаа аваад энэ бичвэрийг уншаарай.

Хүн төрөлхтөн амьдралын чанарыг хамгийн ихээр тодорхойлдог хэрнээ яг таг дүрмээ баримталж чаддаггүй. Эдний нэг бол Өглөөний цаг хугацаа. Та өглөөг хэрхэн угтдаг вэ? Сэрүүлгээ хэд хэд хойшлуулж, сандруу босдог уу? Эсвэл өөртөө цаг гаргаж чаддаг уу? Өнөөдөр Та бүхэнд амьдралыг тань өөрчлөх өглөөний хамгийн хэрэгтэй дөрвөн дадлыг хуваалцах болно.

Дадал 1: “Дижитал мацаг барих”

Эхний дадал маш энгийн хэрнээ хамгийн хэцүү нь. Энэ бол өглөө сэрээд эхний 30 минут утасныхаа дэлгэцийг харахгүй байх. Бид сэрэнгүүтээ л сошиал медиа ухаж, бусдын амьдралыг харж, эсвэл сөрөг мэдээ уншиж тархиа бөмбөгддөг. Ингэснээр Та өдрийн эхний энергийг бусдын нөлөөнд алдаж байна гэсэн үг. Үүний оронд зүгээр л цонхоороо харан, цэвэр агаар амьсгалж, өөрийнхөө бодолтой чимээгүй үлдээрэй.

Дадал 2: “Ус ба Хөдөлгөөн”

Хоёрдугаар дадал бол бие махбодио сэрээх. Шөнөжин унтсан бие махбод усны дутагдалд орсон байдаг. Сэрэнгүүтээ нэг аяга бүлээн ус уух нь таны бодисын солилцоог идэвхжүүлж, тархийг сэргээнэ. Үүний дараа ердөө 5-хан минут суниах эсвэл дасгал хийхэд таны биед ‘эндорфин’ буюу аз жаргалын даавар ялгарч, та эрч хүчээр дүүрэн өдрийг эхлүүлэх болно.

Дадал 3: “Талархал ба Зорилгоо тодорхойлох”

Гурав дахь дадал бол сэтгэл зүйн бэлтгэл. Өнөөдөр талархаж буй 3 зүйлээ дотроо бодох эсвэл цаасан дээр бичээрэй. ‘Би эрүүл байна’, ‘Надад хайртай гэр бүл байна’, ‘Өнөөдөр шинэ өдөр ирлээ’ гэх мэт. Сэтгэл судлаачдын үзэж байгаагаар талархах дадал нь хүнийг өөдрөг, стрессгүй болгодог. Үүний дараа өнөөдөр заавал амжуулах хамгийн чухал 3 зорилгоо тэмдэглэ. Төлөвлөгөөгүй өдөр бол зүгээр л урсгалаараа өнгөрөх цаг хугацаа юм.

Дадал 4: “Хөгжүүлэх 15 минут”

Сүүлийн дадал бол өөрийнхөө тархийг хооллох. Өглөөний цайгаа ууж байхдаа эсвэл ажил руугаа явах замдаа ном унших, эсвэл яг над шиг хэрэгтэй подкаст сонсоход 15-хан минутыг зарцуул. Жилийн хугацаанд энэ нь таныг бусдаас хэд дахин илүү мэдлэгтэй, ухаалаг нэгэн болгож өөрчлөх болно.

Эцэст нь хэлэхэд, агуу өөрчлөлтүүд үргэлж жижиг зүйлээс эхэлдэг. Таниас өглөө бүр 2 цаг гаргахыг шаардаагүй. Ердөө энэ 4 жижиг дадлыг маргааш өглөөнөөс хэрэгжүүлээд үзээрэй. Амьдрал тань илүү цэгцтэй, тайван, бас үр бүтээлтэй болохыг Та анзаарах болно.

Ингээд “Та өглөөг ялж чадвал, өдрийг ялна. Өдөр бүрийг ялж чадвал амьдралыг ялна” гэсэн сайхан үгээр энэхүү бичвэрийг өндөрлөж байна.