ӨНӨӨДӨР 16:00 ЦАГТ ГАЗАР ХӨДЛӨЛТИЙН ГАМШГААС СЭРГИЙЛЭХ ДОХИО ДУУГАРНА

2023-06-8 Uncategorized

Газар хөдлөлтийн гамшгаас урьдчилан сэргийлэх дадлага сургууль өнөөдөр 16:00 цагт зохион байгуулна. Зарлан мэдээллийн дохио дуугарах үед иргэд барилга байгууламжаас гарч түр цугларах цэгт очих юм. 

Зарлан мэдээллийн дохио дугарах үед иргэдийн хийх гурван алхам:

-Эхний дохио дуугарахад: Газар хөдлөлтийн чичирхийлэл мэдрэгдэх үе гэж бодон барилгын даацын хана, бат бөх ширээн доогуур орж өөрийн аюулгүй байдлаа ханган түр хүлээх,

-Хоёр дахь дохио дуугарахад: Газар хөдлөлтийн чичирхийлэл мэдрэгдэхээ болих үе гэж бодон баруун гарын дүрэм баримтлан, толгойгоо хамгаалж яаралтай аюулгүй талбай руу гарах,

-Гурав дахь дохио дуугарахад: Барилга байгууламжид хүн үлдсэн эсэх талаар мэдэх, аюулгүй байдал хариуцсан ажилтанд бүртгүүлэх шаардлагатай.

© 2017 newsmedia.mn. Бүх эрх хуулиар хамгаалагдсан.