Эмэгтэй гишүүд бүлэг байгууллаа

УИХ-ын 13 эмэгтэй гишүүн нам харгалзахгүй нэгдэн УИХ-ын даргатай зөвшилцөж УИХ дахь эмэгтэй гишүүдийн бүлэг байгуулснаа өнөөдөр мэдээллээ.

Тус бүлэг нийгэмд тулгамдсан ядуурал, архидалт, хүчирхийлэл, хүүхэд эмэгтэйчүүдийн эрх зэрэг арван чиглэлээр ажиллах зорилтоо тодорхойлсон байна.

Бүлгийг УИХ-ын гишүүн Д.Сарангэрэл ахлана.  Тэрбээр, 2020 оны төсвийн тодотгол хэлэлцэж байгаа энэ үед хүүхэд харах үйлчилгээнд 2.5 тэрбум төгрөг тусгахаар идэвхийлэн ажиллахаа онцлов.