Манай улсын шигшээ баг Тайваньд тоглоно

Монгол Улсын насанд хүрэгчдийн шигшээ баг ХБНГУ-ын дасгалжуулагчийн удирдлага дор анхны албан ёсны тоглолтоо энэ сарын 5-нд Тайвань улсын шигшээ багтай хийхээр боллоо.

Майкл Вайссаар удирдуулсан шигшээ баг өчигдөр эхний бэлтгэлээ хийсэн бол өнөөдөр хоёр дахь бэлтгэлээ хийгээд маргааш Тайвань Улсыг зорино.

Энэ удаагийн шигшээ багийг өнгөрсөн есдүгээр сард, ОУХБХ-ны шигшээ багийн өдрүүдээр сонгон бүрдүүлсэн билээ.

Тайваны багтай нөхөрсөг тоглолт хийхээр манай лигийн шилдэг 18 тоглогч явж байгаа. Түүнээс гадна энэ сарын 15-23-ны хооронд 23 тоглогчоос бүрдсэн насанд хүрэгчдийн шигшээ баг Японд хамтарсан бэлтгэлд гарах юм.

А.Уянга