Мах, өндөг, сүүн бүтээгдэхүүний худалдаанд хяналт шалгалт хийж байна

Нийтийг хамарсан баяр ёслол, цаг үеийн шаардлагаар зохион байгуулж буй арга хэмжээнд урьдчилан сэргийлэх хяналт шалгалт хийх тухай 01/13 тоот НМХГ-ын даргын удирдамж гарсан. Үүний  хүрээнд Хан-Уул дүүргийн нутаг дэвсгэрт үйл ажиллагаа явуулж буй Фермер маркет ХХК-ийн мах, сүүн бүтээгдэхүүн, өндөгний худалдаалалт, Хурд центр ХХК-ийн махны төрөлжсөн худалдаалалтад урьдчилан сэргийлэх хяналт шалгалт хийж байна. Одоогоор 2 төрлийн түүхий махнаас лабораторийн дээж авч Улсын мал эмнэлэг, ариун цэврийн төв лабораторид шинжилгээнд хамруулан ажиллаж байна. Хяналт шалгалт үргэлжилж байна.