Энэ удаагийн хаврын чуулганы нээлтийн үеэр УИХ-ын дарга Д.Амарбаясгалан хэлсэн үгэндээ “Цаашид эрчим хүчний салбарын эрх зүйн шинэчлэлийн ажил хаврын чуулганы чухал хэсэг байх болно. Өнөөдөр дулаан, цахилгаан гэсэн хоёр том салбарын харилцааг Эрчим хүчний тухай нэг хуулиар зохицуулсны зэрэгцээ, тухайн хууль нь хэт товч, ерөнхий учраас энэ салбар хуулиар биш, харин 800 гаруй дүрэм, журмаар зохицуулагдаж байгаа нь жинхэнэ гажуудал мөн” хэмээн онцлов.
Өөрөөр хэлбэл, энэхүү салбарын ажил хуулиар бус, 800 гаруй дүрэм журмаар буюу үе үеийн сайд нарын үзэгний үзүүр, тухайн цаг үеийн үзэмжээр шийдэгдэж ирж…
Тэгвэл энэ удаа Эрчим хүчний хорооноос өнгөрөгч арваннэгдүгээр сард тарифыг дунджаар 85 хувиар нэмэхээ мэдэгдэж, тавдугаар сарын 16-наас эхлэн энэхүү шийдвэр хүчин төгөлдөр мөрдөгдөхөөр болсон. Харин эл нэмэгдсэн өртгийг задалж үзвэл аж ахуйн нэгжийн тариф 73 хувь, айл өрхийн тариф 100 хувь тус бүр нэмэгдэхээр байна.
Дээр нь бид дулааны суурь хураамж, нийтийн эзэмшлийн дулаан болон хэрэгцээний халуун усны тариф ч мөн 100 хувиар нэмэгдэхээр хэлэлцэгдэж байгаа юм. Мэдээж энэ бүхнийг дагаад инфляци өснө.
Харин энэ хавар салбар яамны гаргасан шийдвэр хүчин төгөлдөр байх уу, эс бөгөөс парламент иргэдээ бодсон шийдвэр гаргаж чадах уу гэдгийг харах л үлдлээ…
87632
31396
© 2017 newsmedia.mn. Бүх эрх хуулиар хамгаалагдсан.