Шинжилгээний хариугаа авсан иргэд тасалбараа цахимаар захиалдаг боллоо

2020-12-4 Мэдээ, мэдээлэл

Арванхоёрдугаар сарын 1-10-ны өдрүүдэд Улаанбаатар хот болон орон нутагт хөл хорионы улмаас гацсан иргэдийг нэгдсэн зохион байгуулалттай буцааж байгаа билээ.

Ингэхдээ “Зорчигч тээврийн үйлчилгээг зохион байгуулах түр журам”-д заасны дагуу иргэдийг хот хооронд нийтийн тээврийн хэрэгслээр тээвэрлэх ажлыг Автотээврийн үндэсний төв зохион байгуулж буй.

Журмын хүрээнд шинжилгээний хариу нь сөрөг гарч, Эрүүл мэндийн яамнаас АТҮТ-ийн онлайн тасалбар захиалгын eticket.transdep.mn сайтад мэдээлэл нь сүлжээгээр ирсэн иргэд онлайнаар хот хооронд зорчих тасалбар захиалах боломж бүрдэнэ.

Иймд иргэд коронавирус илрүүлэх шинжилгээний хариугаа авсны дараа АТҮТ-ийн онлайн билет захиалгын системд хандан регистрийн дугаараа оруулахад овог нэр тань автоматаар гарч ирэх бөгөөд тасалбараа захиалж зорчих боломжтой болно гэдгийг анхаарна уу.

<

Өнөөдрийн онч үг

19 цагийн өмнө

© 2021 newsmedia.mn. Бүх эрх хуулиар хамгаалагдсан.